Səbail rayonunda Milli Qəhrəman Riad Əhmədovun 65 illik yubileyinə həsr olunmuş anım tədbiri keçirilmişdir

Səbail rayonu 203 nömrəli tam orta məktəbdə Milli Qəhrəman Riad Əhmədovun 65 illik yubileyinə həsr olunmuş anım tədbiri keçirilmişdir. Tədbirdə Millət vəkili Nigar Arpadarai, Səbail Rayon İcra Hakimiyyəti Başçısının müavini Kəmalə Həşimova, RİHBA-nın Sosial-iqtisadi inkişafın təhlili və proqnozlaşdırılması şöbəsinin müdiri Qabil Vahidov, Dövlət Təhlükəsizliyi Xidmətinin Səbail Rayon İdarəsinin rəisi polkovnik Tuncay Məmmədov, "ALYANS" Azərbaycan Xüsusi Xidmət Orqanlarının Veteranlarının İctimai Birliyinin sədri Fəxri Abasov və Milli Qəhrəman Riad Əhmədovun döyüş yoldaşları iştirak etmişlər.
Tədbir Azərbaycanın Dövlət Himninin səsləndirilmsi ilə başlanmış, daha sonra Azərbaycanın müstəqilliyi və ərazi bütövlüyü uğrunda mübarizədə canlarından keçən Vətən övladlarının xatirəsi bir dəqiqəlik sükutla yad edilmişdir.
Tədbirdə şagirdlər qəhrəmanın həyat və döyüş yolu haqqında ətraflı məlumat vermiş, Riad Əhmədova həsr olunmuş səhnəcik, musiqi nömrələri təqdim etmişlər. "Qayıt Riad" filmi nümayiş etdirilmiş, daha sonra qonaqlara söz verilmişdir. Mili Qəhrəmanın döyüş yoldaşları onunla bağlı xatirələrini bölüşmüşlər, həmçinin Riadın şücaətindən söz açaraq gənc nəslə Riad Əhmədov kimi vətənpərvər, cəsur olmağı tövsiyə etmişlər.
Eyni zamanda Səbail Rayon İcra Hakimiyyəti Başçısının müavini Kəmalə Həşimova, Riad Əhmədovun həmkarlarından olan veteran polkovnik Əli Orucov çıxış edərək Riad Əhmədovun misilsiz qəhrəmanlığından, Riad kimi qəhrəmanların ölməzliyindən, bununla yanaşı Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə igid Azərbaycan oğullarının 44 günlük Vətən müharibəsindəki şanlı zəfər tarixindən söz açmışlar.
Tədbirin sonunda Riad Əhmədovun döyüş yoldaşları polkovnik-leytenant Akif Rüstəmov və polkovnik-leytenant Rais Şabakayev tərəfindən məktəbin nümunəvi şagirdlərinə "Alyans" Azərbaycan Xüsusi Xidmət Orqanlarının İctimai Birliyinin Fəxri Fərmanları təqdim olunmuşdur.