Səbaillilər Bakıda səfərdə olan Rusiya Federasiyasının Xəzər Dəniz Donanmasının gəmilərində olmuşlar

Bakıya səfərə gələn Rusiya Federasiyası Xəzər Hərbi Dəniz Donanmasının «Mahaçqala»  və «Volqadonsk» gəmilərinin daxil olduğu hərbi qrupun rəhbər heyəti səfər proqramı çərçivəsində Səbail rayon İcra Hakimiyyətində rayon rəhbərliyi tərəfindən qəbul olunduqdan sonra səfər proqramına uyğun olaraq Səbail rayon rəhbərliyi və rayon ictimaiyyətinin nümayəndələri Bakı buxtasında reyddə duran gəmilərlə tanışlıq üçün Dənizkənarı Milli   Bulvara gəlmişlər.
Nümayəndə heyətini qarşılayan Rusiya Federasiyası Xəzər Dəniz Donanmasının  Bakıya səfərə gələn nümayəndə heyətinin rəhbəri  I dərəcəli kapitan Kirill Taranenko səbailliləri salamlamış, hərbi gəmilərin Bakıdaya gəlişinin məqsədi və Rusiya Federasiyası ilə Azərbaycan Respublikası Silahlı Qüvvələri arasında əlaqələrin möhkəmlənməsinin əhəmiyyətindən danışmış və RİH-də təşkil olunan  görüşə görə öz minnətdarlığını bildirmişdir.
Səbailli qonaqlar ilk növbədə «Mahaçqala»  gəmisinə gəlmişlər. Burada gəminin kapitanı, II dərəcəli kapitan Ayup Dadayev qonaqları gəmi ilə tanış edərək onun döyüş qabiliyyəti, silahları, şəxsi heyətin məişəti barədə danışmışdır. 
Daha sonra qonaqlar «Volqadonsk» gəmisində olmuş, gəminin kapitanı III dərəcəli kapitan Vladimir Zaytsev gəmi barədə ətraflı məlumat vermişdir. Rusiyalı hərbiçilər qonaqların çoxsaylı suallarını cavablandırmışlar.
Səbail rayon İcra Hakimiyyəti Başçısının müavini Eldar Ağayev hərbi dənizçiləri RİH adından salamlamış, Bakının mərkəzi rayonu olan Səbail rayonun stateci əhəmiyyət kəsb etdiyini bildirmiş və rayonun tarixi, coğrafi mövqeyi, burada yerləşən inzibati, sənaye, sosial, mədəniyyət, turizm obyektləri, həmçinin rayonda keçirilən beynəlxalq tədbirlər barədə məlumat vermişdir. Eldar Ağayev səmimi görüşə və gəmilərlə tanışlığa görə hərbiçilərə öz minnətdarlığını bildirmişdir.
Gəmilərlə yaxından tanış olan qonaqlar gəmi komandası ilə birgə şəkillər çəkdilmişlər.
Görüşdər sonra hərbi dənizçilər İçəri şəhərə gəlmiş, Qız qalası  və   digər tarixi abidələrlə tanış olmuş, Dənizkənarı Milli Parkı gəzmişlər.