Şriftin ölçüsü :

Saytın rəngi :

Ümummilli lider Heydər Əliyevin 90 illik yubileyinə səbaillilərin növbəti töhfəsi

08 may 2013 | 15:00

Paytaxtımızın mərkəzi rayonu olan Səbail rayonunda xüsusi sevgi və məhəbbətlə qeyd olunan Azərbaycan xalqının Ümummilli lideri Heydər Əliyevin 90 illik yubileyi ilə əlaqədar rayonun idarə, və təşkilatlarında, təhsil, səhiyyə, elm və mədəniyyət müəssisələrində keçirilən çoxsaylı tədbirlərdə ulu öndərin xatirəsi böyük hörmət və məhəbbətlə yad edilir. Bu tədbirlərlə yanaşı əlamətdar gün ərəfəsində sosial yönümlü obyektlərin əsaslı təmiri və yenilərinin istifadəyə verilməsi işləri də aparılmışdır.
Əlamətdar yubileylə əlaqədar təsdiq olunmuş tədbirlər planına uyğun olaraq Səbail rayonunda RİH tərəfindən Badamdar qəsəbəsi, Neftçilər küçəsi  2 və 3, Neftçilər döngəsi 5 və 7, Tofiq Məmmədov küçəsi 9 və Nurəddin Paşayev küçəsi 8 ünvanlardakı 7 ədəd binada əsaslı təmir və üzləmə işləri yekunlaşdırılmış və  rayonun qəsəbələrində  həyata keçirilən «Abad həyət» layihəsi əsasında Neftçilər küçəsi 2 ünvanda növbəti «Abad həyət» sakinlərin  istifadəsinə verilmişdir.
  Sakinlərlə görüş zamanı Səbail rayon İcra Hakimiyyətinin  Başçısı Asif Əsgərov Ulu öndər Heydər Əliyevin 90 illik yubileyi ilə bağlı keçirilən tədbirlər, rayonda və o cümlədən, Badamdar qəsəbəsində aparılan geniş miqyaslı abadlıq-quruculuq işləri barədə məlumat vermişdir. Qeyd olunmuşdur ki, qısa müddət ərzində Badamdarda Heydər Əliyev parkı əsaslı təmir olunmuş, burada Ulu öndərin əzəmətli büstü ucaldılmışdır. Ötən il qəsəbədə 880 şagird yerlik yeni məktəb və 120 yerlik uşaq bağçası istifadəyə verilmişdir. «Abad həyət» layihəsi əsasında qəsəbədə 15 həyət əsaslı təmir olunmuş, 2 xeyir-şər zalı tikilmiş, yol kənarlarındakı mağaza və obyektlərin fasadları üzlənmiş, hazırda  qəsəbə daxili yolların təmiri və asfaltlaşdırılması aparılır.
Qeyd olunmuşdur ki, 50 il əvvəl tikilmiş və indiyədək təmir olunmamış           7 binanın fasadı əsaslı təmir olunaraq hər birinə 3500 kv. metrdən çox aqlay üzlük çəkilmiş, həyət tərəfdə binanın bloklarında yeni plastik pəncərələr və girişlərdə  isə yeni dəmir qapılar quraşdırılmışdır.  
Binaların eyvanları təmir olunaraq  ilkin vəziyyətə gətirilmiş, eyvanlar lambirlə üzlənmiş, taxtadan dekorativ bəzək vurulmuşdur.  Binadakı mənzillərin pəncərələri müasir plastik pəncərələrlə əvəz olunmuş, binalarda ümumilikdə 5000 kv. metr sahədə rəngləmə işləri aparılmışdır.
Həyətin səkiləri aqlay üzlüklə üzlənmiş, həyət boyu səkilərə yeni  bordyur daşları düzülmüşdür. Həyətdə təmizlik işləri aparılmış, həyətdə işıqlandırma məsələləri də həll olunmuş, 3500 kv. metr sahəyə yeni asfatl örtüyü çəkilmişdir. Sakinlərin istirahəti üçün söhbətgahlar quraşdırılmış, burada yeni oturacaqlar, həyətə skamyalar qoyulmuşdur.  
Həyətin mərkəzində düzəldilmiş mini stadionda futbol qapıları quraşdırılmış, bura dəmir torla hasara alınmış və rənglənmişdir. AFFA-nın köməyi ilə 500 kv. metr sahəsi olan stadiona süni örtük çəkilmişdir. Həyətin uşaqları da yaddan çıxarılmamış, onlar üçün əyləncə qurğuları quraşdırılmışır.
Həyətlərdə yeni ağaclar əkilmiş, yaşıllıqlar salınmış, məişət tullantılarından təmizlənmiş əraziyə bitki örtüklu torpaq qatı salınmışdır.
Ümummilli lider Heydər Əliyevin 90 illik yubileyi ərəfəsində istifadəyə verilmiş həyətin sakinləri görülən işlərin keyfiyyətindən çox razı qalmış, onların istirahəti üçün burada yaradılan şəraitə görə ölkə rəhbərliyinə minnətdarlıqlarını bildirmişlər.
Yubileylə əlaqədar Səbail RİH-nin təşkilatçılığı ilə rayonda yaşayan aztəminatlı, imkansız 1000 ailəyə ərzaq bağlamaları verilmişdir.

Keçidlər