Səbaildə “Gender əsaslı zorakılıqla mübarizə” kampaniyası çərçivəsində tədbir keçirilmişdir

Səbail Rayon İcra Hakimiyyətində “Gender əsaslı zorakılığa qarşı 16 günlük fəallıq” kampaniyası çərçivəsində tədbir keçirilmişdir. Tədbirdə Səbail Rayon İcra Hakimiyyəti başçısının müavini Kəmalə Həşimova, Səbail rayon prokurorunun köməkçisi, II dərəcəli hüquqşünas Sevinc Şıxəliyeva, Polis kapitanı Əkbər İbayev, RİH başçısı yanında Gender zorakılığı və uşaqlara qarşı zorakılıq üzrə yerli monitorinq qrupunun üzvləri, Səbail Rayon İcra Hakimiyyəti yanında İctimai Şuranın üzvləri, RİHBA-nın məsul əməkdaşları, rayon bələdiyyələrinin nəzdində yaradılmış gender komissiyalarının üzvləri iştirak etmişlər. Tədbir zamanı ölkəmizdə noyabrın 25-dən etibarən “Gender əsaslı zorakılığa qarşı 16 günlük fəallıq” kampaniyasına start verildiyi qeyd edilmiş, erkən nikaha, qız övladlarının  təhsildən yayındırılmasına qarşı birgə tədbirlərin keçirilməsinin,  o cüm’ldən gender əsaslı tədbirlərin kütləviliyinin artırılması istiqamətində vətəndaş cəmiyyəti institutları ilə birgə əməkdaşlığın əhəmiyyətindən danışılmışdır. Respublikamızda gender bərabərliyinin təmin olunması məsələsinə xüsusi diqqət yetirildiyi bildirilmiş, əhalinin digər kateqoriyalarının hüquqları ilə yanaşı, qadın hüquqlarının daha etibarlı müdafiəsi və təbliği, o cümlədən onların ölkənin ictimai-siyasi həyatında iştirakının dəstəklənməsi, qadın və kişilər arasında bərabər imkanlara nail olunması istiqamətində davamlı tədbirlərin həyata keçirildiyi tədbir iştirakçılarının diqqətinə çatdırılmışdır.