Rayon İcra Hakimiyyətinin başçısı Teymur Elçin küçəsində səyyar qəbul keçirmişdir

Rayon İcra Hakimiyyətinin başçısı Vuqar Zeynalovun Səbail rayonu, T.Elçin küçəsi 6 ünvanında sakinlərlə səyyar qəbul-görüşü keçirilmişdir. Görüşdə Rayon İcra Hakimiyyəti başçısının müavinləri, RİHBA-nın məsul işçiləri, ərazi icra nümayəndələri, bələdiyyə sədrləri, rayonun idarə, müəssisə, xidmət sahələrinin rəhbərləri və sakinlər iştirak etmişlər.

Görüş zamanı çıxış edən RİH başçısı Vuqar Zeynalov Azərbaycan Respublikasının Prezidenti cənab İlham Əliyevin və Birinci vitse-prezident xanım Mehriban Əliyevanın tapşırıqlarına uyğun olaraq, sosial sahədə aparılan islahatların uğurla davam etdirilməsi və daha da genişləndirilməsi, bu islahatlarda əsas prioritet kimi idarəetmə və xidmət sahələrində şəffaflığın və vətəndaş məmnunluğunun artırılması dövlət tərəfindən vətəndaşlara göstərilən diqqət və qayğının təzahürü olduğunu bildirmişdir.

Görüşdə sakinlər çoxmənzilli yaşayış binalarının təmir olunması, dam örtüklərinin dəyişdirilməsi, su və kanalizasiya xətlərinin yenilənməsi və digər sosial problemlərlə bağlı müraciət etmişlər.

RİH başçısı Vuqar Zeynalov sakinlər tərəfindən qaldırılan məsələlərin həlli ilə bağlı əlaqədar qurum və təşkilat rəhbərlərinə müvafiq tapşırıqlar vermiş və onların həlli nəzarətə götürülmüş, RİHBA-nın fəaliyyət dairəsinə aid olmayan müraciətlər isə qeydiyyata alınaraq müvafiq qurumlara RİH tərəfindən rəsmi müraciətlər ünvanlanmışdır.

Sakinlər rayon ərazisində vətəndaşların qəbulu və müraciətlərinə baxılması üçün rahat və əlverişli şərait yaradılmasından razılıqlarını bildirərək, göstərilən diqqət və qayğıya görə Ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlıqlarını bildirmişlər.