Vətən müharibəsi qazisi Ulu Öndər Heydər Əliyevin adını daşıyan zirvəyə qalxıb
Murov dağı, Füzuli, Cəbrayıl və Qubadlı istiqamətlərində gedən döyüşlərdə iştirak edən Vətən müharibəsi qazisi mayor Polad Rzayev Ulu Öndər Heydər Əliyevin adını daşıyan zirvəyə qalxıb.
Polad Rzayev Ulu öndər Həydər Əliyevin 100 illik yubileyi münasibətilə zirvəyə qalxdığını bildirib: “Mən 1-ci Qarabağ müharibəsi şəhidinin övladı, ikinci Qarabağ müharibəsində hər iki ayağını itirmiş qazi Polad Rzayev bu zirvəyə gəlişimi bütün şəhid qardaş-bacılarıma həsr edirəm”.
Qeyd edək ki, Səbail rayon sakini, Səbail Rayon İcra Hakimiyyəti yanında İctimai Şuranın sədr müavini Polad Rzayev Vətən müharibəsində döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamları ilə “Azərbaycan Bayrağı” ordeni, “Füzulinin azad olunması”, “Cəbrayılın azad olunması” və “Qubadlının azad olunması” medalları ilə təltif edilib.
