Rayon İcra Hakimiyyətinin başçısı 20-cisahə yaşayış massivində aparılan abadlıq işlərinə baxış keçirib
“Yaşıl dünya naminə həmrəylik ili” çərçivəsində Rayon İcra Hakimiyyəti tərəfindən təsdiq olunmuş Tədbirlər planına uyğun olaraq Səbail rayonunda aparılan abadlıq işləri sürətlə davam etdirilir.
Görülən işlər çərçivəsində Rayon İcra Hakimiyyətinin başçısı Vuqar Zeynalov Səbail bələdiyyəsinin sədri Hacı Əliyev, RİHBA-nın məsul işçiləri və ərazi icra nümayəndələri ilə birgə 20-ci sahə yaşayış massivində aparılan abadlıq işlərinə baxış keçirmişdir.
Baxış zamanı Rayon İcra Hakimiyyətinin başçısı Vuqar Zeynalov aparılan abadlıq işləri çərçivəsində həyata keçirilən tədbirlərin icra vəziyyəti ilə tanış olmuş, sakinləri narahat edən müxtəlif məsələlərlə əlaqədar problemləri yerindəcə dinləmiş, eyni zamanda sözügedən ünvanda fəaliyyət göstərən ictimai iaşə obyektlərinin sahibləri ilə maarifləndirici söhbətlər aparılmış, görülən abadlıq işlərin sürətləndirilməsi üçün aidiyyəti qurum rəhbərlərinə müvafiq tapşırıqlar vermişdir.
