Rayon İcra Hakimiyyətinin başçısı Qarabağ müharibəsi veteranı İradə Sadıqovanı yubileyi münasibətilə təbrik etmişdir

Səbail Rayon İcra Hakimiyyətinin başçısı Vuqar Zeynalov Qarabağ müharibəsi veteranı İradə Sadıqovanı yubileyi münasibəti ilə təbrik etmişdir. Görüşdə RİH başçısının müavini Eldar Ağayev və RİHBA-nın şöbə müdiri Qabil Vahidov iştirak etmişlər.

Görüş zamanı İradə Sadıqovanı yubileyi münasibəti ilə təbrik edən Rayon İcra Hakimiyyətinin başçısı Vuqar Zeynalov ölkəmizdə şəhid ailələrinə, qazilərə və müharibə əlillərinə diqqət və qayğı göstərildiyini, bu kateqoriyadan olan şəxslərin sosial rifahının yaxşılaşdırılması istiqamətində aparılan dövlət siyasətin mühüm prioritetlərindən olduğunu, Azərbaycan Respublikasının Prezidenti cənab İlham Əliyev və Birinci vitse-prezident xanım Mehriban Əliyeva tərəfindən həyata keçirilən bu siyasətin tələblərinə uyğun olaraq ölkəmizin hər yerində olduğu kimi, Səbail rayonunda da şəhid ailələrinin, müharibəsi əlillərinin, müharibə veteranlarının xüsusi qayğı ilə əhatə olunduğunu və şəhidlərimizin xatirəsi daim əziz tutulduğunu qeyd etmişdir.

İradə Sadıqova şəhid ailələrinə və müharibə iştirakçılarına göstərilən diqqət və qayğıya görə Ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlığını bildirmişdir.

Sonda İradə Sadıqovaya rayonun ictimai-siyasi həyatında fəal iştirakına görə RİH başçısı tərəfindən Fəxri Fərman təqdim olunmuşdur.