Rayon İcra Hakimiyyətinin başçısı Vuqar Zeynalov RİH başçısının müavini Eldar Ağayevi yubileyi münasibətilə təbrik etmişdir
Rayon İcra Hakimiyyətinin başçısı Vuqar Zeynalov RİH başçısının müavini Eldar Ağayevi yubileyi münasibətilə təbrik etmişdir. Tədbirdə Rayon İcra Hakimiyyəti başçısının birinci müavini Vüqar Şixəmmədov, Səbail bələdiyyəsinin sədri Hacı Əliyev və RİHBA-nın əməkdaşları iştirak etmişlər.
Tədbir zamanı Eldar Ağayevi yubileyi münasibəti ilə təbrik edərək məsul fəaliyyətində uğurlar arzulayan Rayon İcra Hakimiyyətinin başçısı Vuqar Zeynalov ölkəmizdə dövlət qulluğunun formalaşması və inkişafı prosesində ümummilli lider Heydər Əliyevin misilsiz xidmətlərini xatırladaraq, bu siyasətin Azərbaycan Respublikasının Prezidenti cənab İlham Əliyev və Birinci vitse-prezident xanım Mehriban Əliyeva tərəfindən davam etdirildiyini, bu gün dövlət və vətəndaş cəmiyyəti quruculuğu prosesində dövlət qulluğunun təşkilinin tamamilə yeni prinsiplərə əsaslandığını, dövlətlə vətəndaş arasında inam və etimadın bərqərar olduğunu qeyd etmişdir.
Sonda Eldar Ağayevə dövlət qulluğunda uzun illər səmərəli fəaliyyətinə görə Rayon İcra Hakimiyyətinin başçısı tərəfindən “Fəxri Fərman” təqdim olunmuşdur.
