Rayon İcra Hakimiyyətinin başçısı Vətən müharibəsi şəhidi Fərid Əliyevin ildönümü ərəfəsində ailə üzvləri ilə görüş keçirmişdir
Rayon İcra Hakimiyyətinin başçısı Vuqar Zeynalov Vətən müharibəsində qəhrəmancasına şəhid olan Fərid Əliyevin ildönümü ərəfəsində atası Pirəli Əliyev ilə görüş keçirmişdir. Görüş zamanı Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın göstərişi ilə şəhid ailələri və müharibə iştirakçılarına yüksək diqqət göstərildiyini vurğulayan RİH başçısı Vuqar Zeynalov şəhidin ailə üzvlərinin qayğıları ilə maraqlanmışdır.
Şəhidin atası şəhid ailələrinə və müharibə iştirakçılarına göstərilən diqqət və qayğıya görə Ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlığını bildirmişdir.
Qeyd edək ki Vətən müharibəsinin ilk günlərindən döyüşə atılan Fərid Əliyev noyabrın 6-da Şuşa istiqamətində gedən döyüşlərdə şəhidlik zirvəsinə ucalmış, noyabrın 16-da dəfn olunmuşdur. Döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyevin müvafiq Sərəncamlarına əsasən ölümündən sonra 3-cü dərəcəli “Vətənə xidmətə görə” ordeni və “Cəbrayılın azad olunmasına görə”, “Şuşanın azad olunmasına görə”, "Vətən uğrunda” medalları ilə təltif olunmuşdur.
