Rayon İcra Hakimiyyəti başçısının şəhid anası Mehriban Əmrahova ilə görüşü
Rayon İcra Hakimiyyətinin başçısı Vuqar Zeynalov Səfərbərlik və Hərbi Xidmətə Çağırış üzrə Dövlət Xidmətinin peşə bayramı münasibətilə Dövlət Xidmətinin Səbail rayon idarəsinin əməkdaşı, Vətən müharibəsi şəhidi Murad Qurbanovun anası Mehriban Əmrahova ilə görüş keçirmişdir. Görüş zamanı Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın göstərişi ilə şəhid ailələri və müharibə iştirakçılarına yüksək diqqət göstərildiyini vurğulayan Rayon İcra Hakimiyyətinin başçısı Vuqar Zeynalov şəhidin ailə üzvünün qayğıları ilə maraqlanmışdır. Şəhidin anası Mehriban Əmrahova şəhid ailələrinə və müharibə iştirakçılarına göstərilən diqqət və qayğıya görə Ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlığını bildirmişdir.
