Səbail rayonunda növbəti iməcilik keçirildi
Bu gün Bakı Şəhər İcra Hakimiyyəti və Səbail Rayon İcra Hakimiyyətinin birgə təşkilatçılığı ilə rayon ərazisində iməclik və dezinfeksiya tədbirləri həyata keçirilmişdir.
Aparılan genişmiqyaslı iməclik çərçivəsində rayon ərazisində yerləşən küçə və prospektlərdə, park və xiyabanlarda ümumi təmizlik işləri aparılmış, həmçinin yeraltı piyada keçidləri, səkilər, bordyurlar, işıq dirəkləri, məhəccərlər, mağaza vitrinləri, binaların fasadları, reklam lövhələri, ağaclar və yaşıllıq zolaqları yuyulmuş, zədələnmiş ağaclar budanaraq onlara xüsusi qulluq göstərilmişdir.
Eyni zamanda yaşayış binalarının həyətləri, blokları, pilləkən qəfəsələri, məişət tullantıları üçün nəzərdə tutulan konteynerləri, binanın ümumi istifadədə olan yerləri zəruri avadanlıq və preparatlarla təchiz olunan işçi qrupları tərəfindən xüsusi kimyəvi maddələrdən istifadə edilməklə dezinfeksiya olunmuşdur.
Səhər saatlarından etibarən keçirilən iməclikdə kommunal xidmət əməkdaşları ilə yanaşı, sakinlər və özəl sektor nümayəndələri də iştirak etmişlər.
