Səbail rayonunda qardan təmizləmə işləri həyata keçirilir
Son günlər davam edən qarlı hava şəraiti ilə əlaqədar Səbail rayonunda təmizlik işləri aparılır. Görülən işlər çərçivəsində kommunal xidmət sahələrinin əməkdaşları tərəfindən rayonun mərkəzi prospekt və küçələrində, o cümlədən qəsəbə və yaşayış massivlərində yerləşən parklar, çoxmənzilli yaşayış binalarının həyətləri, giriş hissələri, yol kənarları və küçə boyu səkilərdə təmizlik işləri görülmüş, yol kənarında yerləşən ticarət və digər qeyri-yaşayış obyektlərinin təmizliyi monitorinq edilmişdir.
Hava şəraiti ilə əlaqədar aparılan operativ tədbirlərin daha effektiv həyata keçirilməsi üçün Səbail Rayon İcra Hakimiyyəti və kommunal xidmət sahələrininin əməkdaşları tərəfindən küçə və prospektlərdə işlərin gedişatına nəzarət tədbirləri davam etdirilir.
