Səbail rayonunda Zəfər Günü ərəfəsində tədbirlər keçirilir
Səbail rayonu 163 nömrəli tam orta məktəbdə Zəfər Günü ilə əlaqədar “Şanlı Zəfərimiz” adlı tədbir təşkil olunmuşdur. Tədbirdə Səbail Rayon İcra Hakimiyyəti başçısının müavini Kəmalə Həşimova, Millət vəkili Ceyhun Məmmədov, Bakı Şəhər İcra Hakimiyyətinin İctimai-siyasi, humanitar məsələlər və dini qurumlarla iş şöbəsinin müdiri Elmin İmanov, YAP Səbail rayon təşkilatının sədri Muxtar Nağıyev, RİHBA-nın məsul əməkdaşları, məktəbin direktor vəzifəsini müvəqqəti icra edən Səkinə Hüseynova, şəhid ailə üzvləri, məktəbin müəllim və şagird heyəti iştirak etmişlər.
Tədbir torpaqlarımızın azadlığı uğrunda canından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlamışdır.
Tədbir zamanı çıxış edənlər Zəfər bayramı münasibətilə Azərbaycan xalqını təbrik etmiş, bu Zəfəri bizə yaşadan, öz canından keçən şəhidlərimizə Allahdan rəhmət, şəhid ailələrinə səbr, qazilərə isə cansağlığı arzulamışlar.
Şəhid ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə minnətdarlıqlarını bildirmişlər.
Tədbir şagirdlərin ifasında müharibə və qələbədən bəhs edən səhnəciklər, mahnılar, şeirlər ilə yaddaqalan olmuşdur.
