Səbail rayonunda "Yaşıl dünya naminə həmrəylik ili" çərçivəsində növbəti ağacəkmə aksiyası
"Yaşıl dünya naminə həmrəylik ili" çərçivəsində Badamdar qəsəbəsi, Badamdar yolu ünvanında növbəti ağacəkmə aksiyası keçirilmişdir. Ağacəkmə aksiyasında RİHBA-nın şöbə müdirləri Qabil Vahidov, İlham Məmmədov və Fəraməz Rəhmani, Səbail bələdiyyəsinin sədri Hacı Əliyev, Badamdar bələdiyyəsinin sədri Təzəxan Məmmədov, RİHBA-nın məsul əməkdaşları və rayon ictimaiyyətinin nümayəndələri iştirak etmişlər. Keçirilən aksiyada ağaclar əkilən ərazi daşlardan, kollardan, tullantılardan təmizlənmiş, əkin üçün hazır vəziyyətə gətirilmişdir. Daha sonra rayonun təbii-coğrafi iqlim şəraitinə uyğun olaraq 500-dən artıq müxtəlif növ ağaclar və kollar əkilmiş, onların mühafizəsi üçün qoruyucu zolaqlar çəkilmişdir. Sakinlər rayon ərazisində aparılan abadlıq və yenidənqurma işlərini böyük razılıq hissi ilə qarşılayaraq Azərbaycan Respublikasının Prezidenti cənab İlham Əliyevə və Birinci vitse-prezident xanım Mehriban Əliyevaya öz minnətdarlıqlarını bildirmişlər.
