Səbaildə şəhid Arif İsmayılovun abidəsi ziyarət olundu
Qarabağ müharibəsi zamanı şəhid olmuş İsmayılov Arif Sadıq oğlunun adının əbədiləşdirilməsi məqsədilə Səbail rayonu, 20-ci sahə yaşayış massivində şəhidin adını daşıdığı A.İsmayılov küçəsində inşa edilmiş abidəsi ziyarət olunmuşdur. Tədbirdə Səbail Rayon İcra Hakimiyyətinin başçısı Vuqar Zeynalov, RİH başçısının müavini Eldar Ağayev, RİHBA-nın məsul əməkdaşları və şəhidin qardaşı Vaqif İsmayılov iştirak etmişlər.
Şəhidin abidəsi önünə gül dəstələri düzülərək əziz xatirəsi ehtiramla yad edilmişdir. Şəhidin qardaşı Vaqif İsmayılov Ölkə başçısı cənab İlham Əliyevin və Birinci vitse-prezident xanım Mehriban Əliyevanın birbaşa diqqəti və qayğısı sayəsində dövlətimiz və xalqımız tərəfindən hər bir şəhidin xatirəsinin əbədiləşdirildiyinə görə minnətdarlığını bildirib, dövlətimizin başçısının həyata keçirdiyi siyasi kursa birmənalı dəstək verdiyini vurğulamışdır.
