Vətən müharibəsi şəhidi Vüsal Teymurovun anası Nahidə xanımın yubileyi qeyd olundu

Vətən müharibəsi şəhidi Teymurov Vüsal Zakir oğlunun anası Nahidə xanımın 60 illik yubileyi qeyd olunmuşdur. Səbail Rayon İcra Hakimiyyəti başçısının müavini Kəmalə Həşimova, Səbail RİHBA-nın İctimai-siyasi və humanitar məsələlər şöbəsinin müdiri Leyli Mirzəyeva, RİHBA-nın məsul əməkdaşları, rayonun ictimaiyyət nümayəndələri və şəhidlərin ailə üzvləri Nahidə xanımla yubileyi münasibətilə görüş keçirərək təbrik etmişlər.

Görüş zamanı qəhrəman analarımızın yetişdirdiyi igid oğullar sayəsində 30 il işğal altında qalan torpaqlarımızı 44 gündə azad edildiyi vurğulanmış və bu cür qəhrəman övladları böyüdən analara minnətdarlıq ifadə olunmuşdur. Qeyd edilmişdir ki, Azərbaycan Respublikasının Prezidenti cənab İlham Əliyev və Azərbaycan Respublikasının Birinci vitse-prezidenti Mehriban xanım Əliyeva tapşırıq və göstərişləri ilə ölkəmizdə şəhid ailələrinə, müharibə veteranlarına və qazilərə yüksək diqqət göstərilməsi, bu kateqoriyadan olan insanların sosial müdafiəsinin gücləndirilməsi, onların problemlərinin həll olunması, ən əsası da hər cür qayğı ilə əhatə olunması ölkə rəhbərliyi tərəfindən həyata keçirilən siyasətin əsas istiqamətlərindəndir.

Şəhidin anası Nahidə Teymurova şəhid ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Azərbaycan Respublikasının Birinci vitse-prezidenti Mehriban xanım Əliyevaya minnətdarlığını ifadə etmişdir.

Qeyd edək ki, Vətən müharibəsində Şuşa şəhəri istiqamətində gedən döyüşlərdə qəhrəmancasına şəhid olan Teymurov Vüsal Zakir oğlu döyüşlərdə göstərdiyi qəhrəmanlığa görə Azərbaycan Respublikasının Prezidenti cənab İlham Əliyev tərəfindən ölümündən sonra "Vətən uğrunda”, “Döyüşdə fərqlənməyə görə”, “Füzulinin azad olunmasına görə”, “Qubadlının azad olunmasına görə” və “Şuşanın azad olunmasına görə” medalları ilə təltif olunmuşdur.