20 Yanvar şəhidi Yusif Qasımovun nəvəsi Murad Qubadov Fəxri Fərmanla təltif edilmişdir

Səbail Rayon İcra Hakimiyyətində 20 Yanvar şəhidi Qasımov Yusif İbrahim oğlunun nəvəsi Qubadov Murad Cümşüd oğlu ilə görüş keçirilmişdir. Tədbirdə Səbail Rayon İcra Hakimiyyəti başçısının müavini Kəmalə Həşimova, Səbail rayon Gənclər və İdman İdarəsinin rəisi Elnarə Əliyeva, RİHBA-nın və rayon Gənclər və İdman İdarəsinin əməkdaşları iştirak etmişlər.

Tədbirdə çıxış edən Rayon İcra Hakimiyyəti başçısının müavini Kəmalə Həşimova Ölkə başçısı cənab İlham Əliyevin və Birinci vitse-prezident xanım Mehriban Əliyevanın rəhbərliyi ilə ölkəmizdə həyata keçirilən siyasətin başlıca istiqamətlərindən biri kimi gənclərə dövlət dəstəyinin gücləndirilməsindən, onlara hərtərəfli diqqət göstərilməsindən ibarət olduğunu bildirərək son illər respublikamızda həyata keçirilən tədbirlərin gənclərin hərtərəfli inkişafının təmin olunması üçün siyasi, sosial-iqtisadi, təşkilati - hüquqi şərait və təminatların yaradılmasını və onların ictimai-siyasi fəallığının artmasını sürətləndirdiyini diqqətə çatdırmışdır.

Tədbir zamanı çıxış edən Murad Qubadov ölkəmizdə şəhid ailələrinə, müharibə iştirakçılarına, eyni zamanda gənclərə göstərilən hərtərəfli diqqət və qayğıya görə Ölkə başçısı cənab İlham Əliyev və Birinci vitse-prezident xanım Mehriban Əliyevaya öz minnətdarlığını bildirmişdir.

Sonda Türkiyənin Koç Universitetinin 1-ci kurs tələbəsi olan Qubadov Murad Cümşüd oğluna Səbail rayon Gənclər və İdman İdarəsinin Fəxri Fərmanı təqdim olunmuşdur.