Vətəndaş müraciəti ilə əlaqədar məsələyə yerində baxış keçirilmişdir
Azərbaycan Respublikasının Prezidenti cənab İlham Əliyevin vətəndaş-məmur münasibətlərinin daha sağlam prinsiplər üzərində qurulması, vətəndaş məmnunluğunun artırılması ilə əlaqədar tapşırıq və tövsiyələrinə uyğun olaraq Səbail rayonunda görülən işlər çərçivəsində RİH başçısının birinci müavini Vüqar Şixəmmədov, RİHBA-nın məsul işçiləri və ərazi icra nümayəndələri ilə birgə vətəndaş Abasova Mehriban Həsən qızının müraciəti ilə əlaqədar 20-ci sahə yaşayış massivi, E.İsmayılov küçəsində məsələyə yerində baxış keçirmişdir. RİH başçısının birinci müavini Vüqar Şixəmmədov qəsəbə sakini tərəfindən qaldırılan məsələnin həlli ilə bağlı müvafiq tədbirlərin görülməsi üçün aidiyyəti üzrə tapşırıqlar vermişdir. Vətəndaş ona göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlığını bildirmişdir.
