Yeni Azərbaycan Partiyası Səbail rayon təşkilatının yaranmasının 32-ci ildönümü münasibətilə tədbir

Yeni Azərbaycan Partiyası Səbail rayon təşkilatının yaranmasının 32-ci ildönümü münasibətilə tədbir keçirilmişdir.Tədbirdə Bakı Şəhər İcra Hakimiyyəti başçısı Aparatının İctimai-siyasi, humanitar məsələlər və dini qurumlarla iş şöbəsinin müdiri Elmin İmanov, Səbail rayon İcra Hakimiyyəti başçısının müavini Kəmalə Həşımova, Azərbaycan Milli məclisinin üzvü, Azərbaycan Dövlət İdarəçilik Akademiyasının professoru Elman Nəsirov, Ailə-Qadın və Uşaq Problemləri üzrə Dövlət Komitəsinin sədr müavini və Yeni Azərbaycan Partiyasının Veteranlar Təşkilatının sədr müavini Sədaqət Qəhrəmanova, Yeni Azərbaycan Partiyasının yaranmasının fəal üzvü 91-lərin nümayəndəsi, Azərbaycan Milli Elmlər akademiyasının müxbir üzvü Novruz Quliyev, şəhid anaları və müharibə iştirakçıları iştirak etmişdilər.
Tədbirdə Azərbaycan Respublikasının Dövlət Himni səsləndirildikdən sonra, videoçarx nümayiş olunmuşdur.
Tədbir zamanı qeyd edilmişdir ki, Yeni Azərbaycan Partiyası Səbail rayon təşkilatının yaranması ilə əlaqədar hər il keçirilən yubiley tədbirləri, partiyanın fəaliyyətini və Ulu Öndər Heydər Əliyevin irsini yad etmək, gələcəkdə də bu dəyərlərin qorunub saxlanmasını təşviq etmək üçün önəmli bir imkan yaradır. Ulu Öndərin göstərdiyi liderlik keyfiyyətlərinin, hər bir Azərbaycan vətəndaşının həyatında əhəmiyyətli təsir yaratdığı, eyni zamanda, bu gün həmin yolun uğurla davam etdirildiyi, Azərbaycan Respublikasının Prezidenti cənab İlham Əliyevin rəhbərliyi altında Azərbaycanın beynəlxalq arenada mövqeyinin gücləndiyi və ölkənin sosial-iqtisadi inkişafının sürətləndiyi qeyd edilmişdir.
Sonda Yeni Azərbaycan Partiyası Səbail rayon təşkilatının fəal üzvlərinə fəxri fərmanlar təqdim olunmuşdur.