Səbail rayonunda Yeni Azərbaycan Partiyasının yaranmasının 32-ci ildönümü ilə əlaqədar tədbir keçirilmişdir
Noyabrın 20-də Yeni Azərbaycan Partiyasının (YAP) Səbail rayon təşkilatında partiyanın yaranmasının 32-ci ildönümü ilə əlaqədar tədbir keçirilmişdir. Tədbirdə YAP Səbail rayon təşkilatının sədri Muxtar Nağıyev, millət vəkili Vüqar Rəhimzadə, Səbail RİHBA-nın şöbə müdiri Qabil Vahidov, müharibə veteranları və partiya fəalları iştirak etmişlər. Tədbir iştirakçıları ilk öncə müasir və müstəqil Azərbaycan dövlətinin memarı və qurucusu, xalqımızın ümummilli lideri Heydər Əliyevin büstü önünə gül dəstələri düzərək xatirəsini ehtiramla yad etmişlər. Daha sonra Yeni Azərbaycan Partiyasının yaranmasından və fəaliyyətindən bəhs edən videoçarx nümayiş olunmuşdur. Tədbir zamanı çıxış edənlər Ümummilli Liderin Azərbaycanın işıqlı gələcəyinə hesablanmış siyasətini yeni müstəvidə və dövrün tələblərinə uyğun şəkildə uğurla davam etdirən Azərbaycan Respublikasının Prezidenti cənab İlham Əliyevin rəhbərliyi ilə ölkəmizin hərtərəfli inkişaf etməkdə olduğunu qeyd etmişlər. Sonda Yeni Azərbaycan Partıyasının sıralarına daxil olan yeni üzvlərə vəsiqələr təqdim olunmuşdur.
